«Барселона» Мадриднинг «Атлетико» клуби ҳужумчиси Хулиан Альварес учун берган таклифини ошириш ниятида эмас.
«Матрасчилар» аргентиналик футболчи учун 100 миллион евро таклиф қилган каталонияликлар билан музокара олиб боришдан бош тортмоқда. Журналист Санти Овалье маълумотига кўра, агар «Атлетико» трансфер ойнаси ёпилгунига қадар биринчи таклифга жавоб бермаса, «Барселона» 26 ёшли форвард учун яхшиланган таклиф юбормайди.
Аввалроқ Мадрид клуби вакиллари Хулиан Альваресни принципиал равишда «Барселона»га сотмасликларини яна бир бор таъкидлаган эди.
Шу билан бирга, миш-мишларга кўра, «Атлетико» футболчини «Арсенал»га қўйиб юборишга тайёр. Бироқ Альвареснинг ўзи Лондон клубига ўтишга унчалик қизиқиш билдирмаяпти.
