Германиянинг "Лейпциг" футболчиси Кристофер Нкункуга Европанинг топ-клублари қизиқиш билдирмоқда.
Sky Sport Deutschland тарқатган хабарга кўра, франциялик футболчига «Манчестер Сити», «Манчестер Юнайтед» ва «ПСЖ» клублари қизиқиш билдирмоқда. Агар «Лейпциг» ярим ҳимоячини ёзда қўйиб юборишга рози бўлса, у ҳолда камида 60 миллион евро эвазига сотишини билдирди. Футболчининг клуб билан тузган шартномасида товон пули белгиланмаган.
Жорий мавсумда «ПСЖ» тарбияланувчиси бўлган Нкунку «Лейпциг» сафида 36 та расмий ўйинда майдонга тушиб, 25 та гол урди ва 10 та голли узатмани амалга оширди.