"Реал Бетис" устози Мануэль Пеллегрини ўз жамоасининг ушбу мавсумдаги ўйин даражасини таҳлил этди. У клуб мухлисларига миннатдорчилик билдирди:
"Биз ушбу ғалабани нишонлашимиз керак. Бу бизга зарур, чунки футболчилар руҳияти тозаланади. Аммо эртага яна Ла-лигага эътибор қаратамиз. Негаки, биз айни дамда учинчи ўринда боряпмиз ва кейинги мавсумда ЕЧЛда ўйнашни истаймиз".
Эслатиб ўтамиз, Пеллегрини шогирдлари кеча "Райо Вальекано"ни мағлуб этиб, Испания кубоги финалига йўл олган эди. Улар кейинги баҳсни 6 март куни "Атлетико"га қарши ўтказишади.
