«Бавария» футболчиси Серж Гнабри ёзда немис клуби сафини тарк этиши мумкин. Бу ҳақда todofichajes нашри хабар бермоқда.
Манбага кўра, футболчига «Тоттенхэм» ва «Челси» клублари қизиқиш билдирмоқда. Футболчи «Бавария»да қолишга қарши эмас, аммо янги шартнома борасида клуб билан келиша олмаяпти.
Таъкидланишича, «Челси» устози Томас Тухель футболчини Гнабрини ўз сафида кўришни истамоқда. Бунинг учун лондонликлар немис клубига 50 миллион евро тўлашига тўғри келади.
Маълумот ўрнида, Гнабри 2011-2016 йилларда «Арсенал» ва «Вест Бромвич» шарафини ҳимоя қилган.
