Лондоннинг «Арсенал» жамоаси бош мураббийи Микель Артета «Барселона»га кетган Обамеянгнинг ўрнига тенг келадиган футболчи сотиб олишдан бош тортгани ҳақидаги фикри билан ўртоқлашди.
“Бундай қарор муайян жасорат ва изчилликни талаб қилди. Биз фақат ўзимизга имкони бўлган футболчиларни таклиф қилишимиз керак. Келажакда клубнинг мавқеига путур етказадиган ишларни қилмаслик керак, ҳатто бундай васваса юзага келган тақдирда ҳам"- деди «канонирлар» бош мураббийи Sky Sports билан суҳбатда.
Пьер-Эмерик Обамеянг 4 йил давомида «Арсенал»да ўйнади. Январь ойи охирида у каталониялик «Барселона» клубига текинга ўтиб кетди.
