"Удинезе" сардори Антонио Ди Натале ўз карьераси яқин кунларда якунланишини жуда яхши тушуниб турибди.
"Аслида, яқинда карьерам якунланиши мумкинлиги хусусида биринчи йил ўйлаётганим йўқ. Бир йил муқаддам бу ҳақда жиддий ва чуқур ўйланиб қолувдим, бироқ яна ўйнашга қарор қилувдим. Футбол – севимли касбим, бутун ҳаётим мазмуни. Ҳозирча кейинги мавсумда ҳам ўйнаш-ўйнамаслигимни билмайман. Ҳаммаси ёзда аниқ бўлади. Ушбу мавсум футболчи сифатида мен учун сўнггиси бўлиб қолиш эҳтимоли ҳам мавжуд", - деди 34 ёшли Ди Натале La Gazetta dello Sportга берган интервьюсида.
