Голландиялик ярим ҳимоячи Мартен де Рон Европа лигасининг 1/8 финал босқичидан ўрин олган «Байер»га қарши ўйинда «Аталанта»нинг асосий таркибида майдонга тушди. Голландиялик футболчи учун бу ўйин Бергамо клуби сафидаги юбилей 250-ўйин бўлди.
Де Рон 2015 йилда италияликлар сафида дебют қилган ва бир мавсум А серияда ўйнаган. Кейин бир йил «Мидлсбро» шарафини ҳимоя қилган, бироқ 2017 йилда Бергамога қайтди. Жорий мавсумда 30 ёшли ярим ҳимоячи Италия чемпионатида жамоаси учун 2 та гол урди.