Карим Бензема «Реал» тарихидаги энг яхши тўпурарлар рўйхатида 3-ўринни эгаллаши ҳақида гапирди.
«Ди Стефанони ортда қолдириш - бу орзу, чунки у Мадрид афсонаси. "Реал" футболчиси сифатида тақдимотда мени қучоқлаганини эслайман. Унинг даражасида эканлигимдан жуда хурсандман ва бу менга янада юқори кўтарилиш учун куч беради. У менга бу буюк клубда ўйнашдан роҳатланишимни айтганини эслайман.
Жамоада ҳар доим ўйинни ўзгартирадиган ўйинчилар бўлади, лекин сиз буни ёлғиз ўзингиз уддалай олмайсиз. Агар жамоа максимал даражада бўлса, мен ҳам энг яхши футбол кўрсатишимни биламан. Биз бир-биримизга муҳтожмиз.
Ҳозир ҳар қачонгидан ҳам кўпроқ ишлайман, мен ҳар куни қаттиқ ишлайман, шунча гол ураман, деб ўйламай ишлайман. Бу ерга совринлар учун келганман. Мен ҳар доим одамлар томонидан эслаб қолишни хоҳлаганман ва мен тўғри йўлдаман деб ўйлайман.
Мен «Реал»да муваффақият қозонишни хоҳлардим ва аста-секин тўғри йўналишда кетяпман. Мен ўзимни уйдагидек ҳис қиламан, менга Мадрид ва бу ердаги одамлар ёқади. Бу ерда ўтказган ҳар бир кунимдан завқ оламан” - деди «Реал» ҳужумчиси.
