«Рома» бош мураббийи Жозе Моуриньога ярим ҳимоячи Николо Дзаньоло билан можаро ҳақидаги савол ёқмади. Моуриньонинг таъкидлашича, унинг ўз шогирди билан ҳеч қандай муаммоси йўқ.
Эслатиб ўтамиз, Дзаньоло «Витесс»га қарши ўйинда (1:0) алмаштирилган эди. Николо Конференция лигаси плей-офф ўйинини томоша қилмади ва дарҳол кийим алмаштириш хонасига кириб кетди.
«Журналистлар мен билан Дзаньоло ўртасида муаммо топишга ҳаракат қилишмоқда. Сиз бу йўналишда қаттиқ ишлашингиз керак бўлади.
Дзаньоло яхши ўйин ўтказди. Агар буни тушунмасангиз, демак сиз футбол кўрмагансиз.
Нега у кийиниш хонасига кириб кетди? Мен унга шундай қилишини айтдим. Ҳаво совуқ ва у жуда терлаган эди. У бизга якшанба куни бўлиб ўтадиган «Удинезе»га қарши ўйинда керак", - деди Жозе Моуриньо.
