"МЮ" футболчиси Жейдон Санчо ўзининг "Боруссия Дортмунд"га ўтиши ҳақида айтиб берди. У шундай дейди:
"Клуб мени сотиб олиш учун қаттиқ ҳаракат қилганди. Кейин мен "Дортмунд"да кимлар ўйнаётганига эътибор қаратдим. У ерда Кристиан Пулишич бор эди ва у бор-йўғи 19 ёшда. У мен учун намунага айланган футболчи бўлган. Мен Пулишичга қараб, ўзимга: "Мен ҳам шундай бўла олишим мумкин" дея далда бердим. Омадим бор экан, "BVB" менга имконият тақдим этди ва мен ундан яхши фойдаландим".
Санчо Германия клубига 2017 йили, 16 ёшида "Манчестер Сити"дан йўл олган эди.
