Дортмунднинг “Боруссия” клуби ҳужумчиси Эрлинг Холанд ҳали келажаги борасида бир қарорга келгани йўқ, деб хабар беради Diario Sport.

Манба берган хабарга кўра, норвегияликнинг атрофидагилар футболчи келажагини кейинроқ ҳал қилишини маълум қилишмоқда. Март ойида бунинг учун илк қадамлар қўйилади, Холанд ва унинг атрофидагилар фаолиятини давом эттириш учун барча мумкин бўлган вариантларни таҳлил қилишади.

"Манчестер Сити" норвегиялик футболчига аллақачон берилган таклифни яхшилашга ваъда берди, аммо ҳужумчининг ўзи фаолиятини Ла Лигада давом эттирмоқчи. Катта эҳтимол билан ҳужумчининг келажаги апрель ойида аниқ бўлади.