«Барселона» ёзги трансфер ойнасида ҳужум чизиғини мустаҳкамламоқчи.

Каталония клубининг асосий мақсади Дортмунднинг «Боруссия» клуби ҳужумчиси Эрлинг Холанд. Агар «кўк-анорранглилар» норвегияликнинг трансферини якунлай олмаса, «Барселона» «B режаси»ни тайёрлаб қўйган.

Каталония клуби «Ливерпуль» билан янги шартнома борасида келиша олмаётган Муҳаммад Салоҳни сотиб олишни мўлжалламоқда.

«С режаси» - «Бавария» футболчиси Роберт Левандовскини сотиб олиш, унинг Мюнхен клубидаги келажаги сўроқ остида, чунки польшалик билан янги шартнома бўйича музокаралар ҳали бошланмаган.

«D режаси» «Челси» ҳужумчиси Ромелу Лукакунинг трансфери бўлиб, у Лондон клубини ёзда тарк этиши мумкин.