Мадриднинг “Реал” клуби вингери Эден Азарга Лондоннинг “Арсенал” клуби қизиқиш билдирмоқда.

"Канонирлар" аллақачон 31 ёшли футболчининг вакиллари билан боғланиб, вазиятни ўрганишган. Footmercato нашри хабарига кўра, расмий музокаралар ҳали бошланмаган, аммо Лондон клуби собиқ "Челси" футболчисини сотиб олиш вариантини жиддий кўриб чиқмоқда. Шунингдек, Эденгн Англия Премьер-лигасининг бошқа вакили "Ньюкасл" ҳам даъво қилмоқда.

Эден Азар 2019 йилнинг ёзида 115 миллион евро эвазига "Челси"дан «Реал»га ўтган эди. Азар "қаймоқранглилар" сафида тўлиқ бўлмаган учта мавсумни ўтказиб, 65та ўйинда иштирок этган ва 6та гол ва 10та голли узатмани амалга оширди.