Мюнхеннинг "Бавария" клуби ярим ҳимоячиси Франк Рибери клуб раҳбарияти томонидан 50 минг евро миқдорида жаримага тортилди.

Bild нашрининг хабар беришича, "Реал"га қарши кечган ЕЧЛ ярим финали дастлабки баҳсида "Бавария"нинг икки футболчиси, Франк Рибери ҳамда Арьен Роббенлар биринчи бўлим якунлангач, танаффус пайтида бир-бирлари билан ечиниш ҳонасида уришиб кетишган. Жарима тўпини ким тепишини келиша олмай қолган футболчиларнинг ҳатто муштлашиб кетишгани ҳақидаги хабарлар ҳам тарқалганди.

Ушбу тўқнашувнинг айбдори сифатида эса, франциялик футболчи жазога тортилган.

Матбуотда бу тўқнашув тўғрисида турлича фикрлар билдирилмоқда. Аммо ўйин якунланганидан сўнг интервью бераётган Арьен Роббеннинг юзида мушт изи борлиги аниқланган.