"МЮ"нинг собиқ футболчиси Гари Невилл клубнинг трансферлар сиёсатини танқид остига олди. У шундай дейди:
"Ишонгиси келмайди, киши. Луис Диас дастлаб "Тоттенхэм"га ўтаётган эди. Аммо якунда "Ливерпуль"га йўл олди. "МЮ" эса унга ҳатто ҳаракат ҳам қилиб кўрмади. Мана энди, жамоа ёзда қандай йўқотишларга учраши мумкинлигини билмоқдамиз.
Улар Каванидан айрилади. Погба ҳам кетадиган бўлиб турибди. Гринвуд эса аллақачон йўқ. Марсьяль "Севилья"да ва у қайтмаслиги мумкин. "МЮ" эса қишда ушбу йўқотишларни ўрнини тўлдирадиган харидни амалга оширмади. Диас эса ана шундай футболчи эди".
