«Бавария» ҳимоячиси Альфонсо Дэвис юрагида муаммо туфайли бир неча кун майдонга туша олмайди.
«Бунда драматик нарса йўқ, лекин у ҳали ҳам даволанишга муҳтож ва бироз вақтга сафдан чиқади», деди «Бавария» бош мураббийи Юлиан Нагельсманн Kicker нашрига.
Эслатиб ўтамиз, аввалроқ Дэвис коронавирус инфекциясига чалинган, шундан сўнг футболчининг юрагида миокардит белгилари пайдо бўлган эди.
Жорий мавсумда ҳимоячи Бундеслигада 16 та ўйин ўтказиб, 3 та голли узатмани амалга оширди.