ФИФА учрашув вақтидан унумлироқ фойдаланишни истамоқда.
Corriere dello Sport нашрининг хабарига кўра, федерация ўйин вақтини кўпайтирмоқчи.
Бунинг учун биринчи ва иккинчи тайм учун компенсация вақтини ошириш режалаштирилган. Режага кўра, айрим ҳолларда тўхташ вақтини ҳисобга олган ҳолда, ўйинлар вақти 100 дақиқадан ошади.
Яқинда Италияга ташриф буюрган ФИФА президенти Жанни Инфантино бундай ғоя кўриб чиқилаётганини тасдиқлади.
Инновациялар Қатарда бўлиб ўтадиган навбатдаги Жаҳон чемпионатида синовдан ўтказилиши мумкин, аммо бунинг учун Халқаро футбол ассоциацияси кенгашининг (IFAB) розилиги керак.
