FIFA uchrashuv vaqtidan unumliroq foydalanishni istamoqda.
Corriere dello Sport nashrining xabariga ko‘ra, federasiya o‘yin vaqtini ko‘paytirmoqchi.
Buning uchun birinchi va ikkinchi taym uchun kompensasiya vaqtini oshirish rejalashtirilgan. Rejaga ko‘ra, ayrim hollarda to‘xtash vaqtini hisobga olgan holda, o‘yinlar vaqti 100 daqiqadan oshadi.
Yaqinda Italiyaga tashrif buyurgan FIFA prezidenti Janni Infantino bunday g‘oya ko‘rib chiqilayotganini tasdiqladi.
Innovasiyalar Qatarda bo‘lib o‘tadigan navbatdagi Jahon chempionatida sinovdan o‘tkazilishi mumkin, ammo buning uchun Xalqaro futbol assosiasiyasi kengashining (IFAB) roziligi kerak.
