Мали терма жамоаси собиқ устози Муҳаммад Магассуба билан хайрлашди ва энди Мали футбол федерацияси бу лавозимга янги даъвогар қидирмоқда.

Шу сабабли, танлов эълон қилинди. Федерация раҳбарияти оддий мезонларга жавоб берадиган ҳар бир кишининг аризасини кўриб чиқишга тайёр.

Терма жамоага бош мураббий бўлмоқчи бўлганлар француз тилини яхши билиши (Мали Франциянинг собиқ мустамлакаси), Африка ва Жаҳон футболи соҳасида яхши билими, баъзи бир йирик спорт лойиҳаларида иштирок этиши, шунингдек, доимий яшаш учун Малига кўчиб ўтишга тайёр бўлиши керак.