"Манчестер Сити" Дортмунднинг "Боруссия" клуби ҳужумчиси Эрлинг Холанднинг трансфери борасидаги ишларни сезиларли даражада тезлаштиришни режалаштирмоқда, дея хабар беради инсайдер Фабрицио Романо.
21 ёшли норвегиялик ҳали ҳам келажаги ҳақида бир қарорга келмаган, шунинг учун "шаҳарликлар" унга ўз фойдасига танлов қилишга ёрдам беришмоқчи.
"Манчестер Сити" Холанд масаласи тезроқ ҳал қилиб, янги ярим ҳимоячини сотиб олишга эътибор қаратмоқчи.
Жорий мавсумда ҳужумчи Дортмунднинг “Боруссия” клуби сафида 25 та ўйинда майдонга тушиб, 23 та гол ва 7 та голли узатмани амалга оширди. Ҳужумчининг Дортмунд клуби билан шартномаси 2024 йилнинг 30 июнига қадар мўлжалланган.