"Милан" ҳимоячиси Алессио Романьоли келаси мавсумда "Лацио"да ҳаракат қилади. У Рим клуби билан шартнома борасида келишиб олди, дея хабар беради Calciomercato.
Аввалроқ, римликлар футболчи билан 2027 йилгача солиқлар билан бирга йилига 3,2 миллион евро маош билан шартнома имзолаши ҳақида маълумотлар пайдо бўлганди.
Романьолининг "Милан" билан шартномаси 2022 йилнинг ёзида якунига этади. У эркин агент сифатида "Лацио"га ўтади.
27 ёшли футболчи жорий мавсум “россонерилар” сафида 25 та ўйинда майдонга тушиб, 1 та гол урган.