Нигерия терма жамоаси ва Амстердамнинг "Аякс" клуби собиқ футболчиси Финиди Жорж ҳеч қачон Африкада йилнинг энг яхши футболчиси деб топилмаганидан афсусда эмаслигини айтди.
"Футболчилик фаолиятимдан нолимайман. Кўплаб совринларни қўлга киритдим, кўплаб дўстлар ортирдим, ўз номимга эга бўлдим. Қисқа қилиб айтадиган бўлсам, эришган ютуқларимдан мамнунман.
Барча даврларнинг энг буюк африкалик вингерларидан бири сифатида эътироф этилдим, Африканинг йил футболчиси деб топилмаганимдан афсусланмайман. 15 йил давомида совринларга бой мартабадан баҳраманд бўлдим" - деди Жорж Финиди.
Финиди “Аякс” таркибида Чемпионлар Лигасида иштирок этган, уч марта Нидерландия чемпионлигини, икки марта Нидерландия Суперкубоги ва УЕФА Суперкубогини қўлга киритган.
