«Арсенал» бош мураббийи Микель Артета Лондон дербисида «Челси» устидан қозонилган ғалаба (4:2) ҳақида ўз фикрлари билан ўртоқлашди.

«Менга ёқадиган нарса бу футболчиларнинг руҳий ҳолати. Ўйинларда мағлуб бўлганингизда сизни танқид қилишади, лекин бундай футболчилар билан бунинг аҳамияти йўқ, чунки улар ўсишда давом этмоқда. Меҳмондаги Лондон дербисида ғалаба қозонганимиздан жуда мамнунман» - деди испаниялик ўйиндан кейинги матбуот анжуманида.

Мен футболчиларга айтдим: «Агар Чемпионлар лигасида ўйнашни истасангиз, бу стадионларда ғалаба қозонишингиз керак».

Аммо, бугунги ғалаба «Арсенал»га энг яхши тўплар нисбати эвазига тўртинчи ўринда бораётган «Тоттенхэм»ни очколар сони бўйича қувиб этиш имконини бермади.