«Arsenal» bosh murabbiyi Mikel Arteta London derbisida «Chelsi» ustidan qozonilgan g‘alaba (4:2) haqida o‘z fikrlari bilan o‘rtoqlashdi.
«Menga yoqadigan narsa bu futbolchilarning ruhiy holati. O‘yinlarda mag‘lub bo‘lganingizda sizni tanqid qilishadi, lekin bunday futbolchilar bilan buning ahamiyati yo‘q, chunki ular o‘sishda davom etmoqda. Mehmondagi London derbisida g‘alaba qozonganimizdan juda mamnunman» - dedi ispaniyalik o‘yindan keyingi matbuot anjumanida.
Men futbolchilarga aytdim: «Agar Chempionlar ligasida o‘ynashni istasangiz, bu stadionlarda g‘alaba qozonishingiz kerak».
Ammo, bugungi g‘alaba «Arsenal»ga eng yaxshi to‘plar nisbati evaziga to‘rtinchi o‘rinda borayotgan «Tottenxem»ni ochkolar soni bo‘yicha quvib etish imkonini bermadi.
