ESPN хабарига кўра, "Барселона" ва "Манчестер Сити" ўйинчиларни алмашиши мумкин.

Манбага кўра, ярим ҳимоячи Френки де Йонг Манчестерга бориши мумкин, "шаҳарликлар" ярим ҳимоячиси Бернарду Силва эса қарама-қарши йўналишда ҳаракат қилади.

Қайд этилишича, каталонияликлар бош мураббийи Хави ўз жамоасининг ярим ҳимоя чизиғида рақобатни кучайтириш ниятида, "Манчестер Сити" эса ёзда жамоани тарк этадиган Фернандинёга ўринбосар қидирмоқда.

Олдинроқ де Йонгга "Манчестер Юнайтед" қизиқаётгани ҳақида хабарлар тарқалган эди

24 ёшли де Йонг жорий мавсумда “кўк-анорранглилар” сафида 45 та ўйинда майдонга тушиб, 4 та гол ва 5 та голли узатмага муаллифлик қилган.

27 ёшли Силва 47 ўйинда 13 та гол урди ва 6 та голли узатмани амалга оширди.