"Манчестер Юнайтед" Дортмунднинг "Боруссия" клубидаги уч ўйинчига жиддий қизиқиш билдирмоқда, дея хабар беради "Bild".
Ҳимоячи Матс Хуммельс, яримҳимоячи Синдзи Кагава ва ҳужумчи Роберт Левандовскиларнинг ўйинини кўриш учун Алекс Фергюсон атайлаб Германия кубоги финалида Берлинга ташриф буюрган эди.
Кагаванинг Англияга ўтиш ҳақидаги орзулари аввалдан маълум эди ва немис клуби японни қўйиб юборишга тайёр. Трансфер суммаси 15 миллион еврога баҳоланмоқда.
Бошқа ўйинчиларни "Боруссия" қўйиб юбормоқчи эмас. Бунинг устига клуб Левандовски билан шарномани узайтириш бўйича келиша олмаяпти. Унинг шартномаси Хуммельсники каби 2014 йилгача тузилган.













