23 ёшгача бўлган футболчилар ўртасида давом этаётган Осиё Кубоги баҳсларида сўнгги 3-тур ўйинлари бўлиб ўтмоқда.
Ўзбекистон U23 терма жамоаси ушбу турда Қаршидаги "Марказий" стадионда эронлик тенгқурларига қарши майдонга чиқиб, 1:1 ҳисобида дуранг ўйнади.
Отабек Жўрақўзиев томонидан киритилган голга Ариа Юсуфи жавоб қайтарди.
Вакилларимиз гуруҳда 7 очко билан 1-ўринни эгаллаган бўлса, Эрон 2 очко билан 3-поғонада мусобақани якунлади. A гуруҳидан Ўзбекистондан кейин 2 ўрин билан Туркманистон кейинги босқичга йўл олди.
Маълумот учун, чорак финалда юртодошларимиз Ироқ термасига қарши ўйин ўтказишади. Баҳс 11 июнь куни "Пахтакор" стадионида бўлиши режалаштирилган.
U23 Осиё Кубоги. 3-тур
7 июнь, 22:00
Қарши. "Марказий"
Ўзбекистон - Эрон - 1:1
Голлар: 22 - Жўрақўзиев (1:0), 62 - Юсуфи (1:1).
Ўзбекистон: Владимир Назаров, Абубакр Ризо Турдиалиев, Элдорбек Бегимов, Шаҳзод Тоиров, Одилбек Абдумажидов, Жалолиддин Содиқов, Аббос Файзуллаев, Диёр Ҳолматов, Руслан Жиянов, Алишер Одилов, Отабек Жўрақўзиев
Эрон: Парса Жафари, Муҳаммадмаҳди Аҳмади, Амир Жафари, Муҳаммад Горбани, Алиреза Ҳодаи, Ёсин Салмони, Муҳаммад Ҳодабандеҳло, Арё Юсуфи, Меҳди Ҳашемежад, Милад Кор, Саман Фаллаҳ
| № | Жамоа | Ў | О | |
|---|---|---|---|---|
| 1 |  |
Ўзбекистон | 3 | 7 |
| 2 |  |
Туркманистон | 3 | 4 |
| 3 |  |
Эрон | 3 | 2 |
| 4 |  |
Қатар | 3 | 2 |
