23 yoshgacha bo‘lgan futbolchilar o‘rtasida davom etayotgan Osiyo Kubogi bahslarida so‘nggi 3-tur o‘yinlari bo‘lib o‘tmoqda.
O‘zbekiston U23 terma jamoasi ushbu turda Qarshidagi "Markaziy" stadionda eronlik tengqurlariga qarshi maydonga chiqib, 1:1 hisobida durang o‘ynadi.
Otabek Jo‘raqo‘ziyev tomonidan kiritilgan golga Aria Yusufi javob qaytardi.
Vakillarimiz guruhda 7 ochko bilan 1-o‘rinni egallagan bo‘lsa, Eron 2 ochko bilan 3-pog‘onada musobaqani yakunladi. A guruhidan O‘zbekistondan keyin 2 o‘rin bilan Turkmaniston keyingi bosqichga yo‘l oldi.
Ma’lumot uchun, chorak finalda yurtodoshlarimiz Iroq termasiga qarshi o‘yin o‘tkazishadi. Bahs 11 iyun kuni "Paxtakor" stadionida bo‘lishi rejalashtirilgan.
U23 Osiyo Kubogi. 3-tur
7 iyun, 22:00
Qarshi. "Markaziy"
O‘zbekiston - Eron - 1:1
Gollar: 22 - Jo‘raqo‘ziyev (1:0), 62 - Yusufi (1:1).
O‘zbekiston: Vladimir Nazarov, Abubakr Rizo Turdialiyev, Eldorbek Begimov, Shahzod Toirov, Odilbek Abdumajidov, Jaloliddin Sodiqov, Abbos Fayzullayev, Diyor Holmatov, Ruslan Jiyanov, Alisher Odilov, Otabek Jo‘raqo‘ziyev
Eron: Parsa Jafari, Muhammadmahdi Ahmadi, Amir Jafari, Muhammad Gorbani, Alireza Hodai, Yosin Salmoni, Muhammad Hodabandehlo, Aryo Yusufi, Mehdi Hashemejad, Milad Kor, Saman Fallah
