Қозоғистоннинг sportinfo.kz портали журналистлари маҳаллий футбол ҳақида кетма кет танқидий материаллар эълон қилганлари учун уларга нисбатан таҳдидлар бошланди, дея хабар беради "Адил Соз" сўз эркинлиги ҳимояси ҳалқаро фондининг сайти.
Ресурснинг администраторлари таҳдидлар Қозоғистон футбол федерациясига тегишли IP-манзиллардан бўлаётганлигини аниқлашди.
"23, 24, 25 май кунлари таҳририят телефонида номаълум кимсалар бош муҳаррирга, таъсисчиларга ва ходимларга нисбатан таҳдид қилишган. Улар офисни портлатиб юборишларини ва барча журналистларни ўлдиришларини айтишган", - дейилади манбада.
Таъкидлаб ўтамиз 7 март куни номаълум кимсалар порталнинг бош муҳаррири Гений Тўлегеновни ўппослашган. Портал жамоаси прокуратурага вазият ҳақида ариза берган.
