Германия терма жамоаси бош мураббийи Йоахим Лёв ҳимоячи Жером Боатенг ҳақида норози фикрлар билдирди.
Гап шундаки, ҳафта бошида Боатенгнинг Жина-Лиза Лохфинк деган модель билан тунги учрашуви акс этган фотосуратлар немис матбуотида чоп этилган эди. Фото бундестимнинг Польшага йўл олишидан олдин Берлин меҳмонхоналарининг бирида туширилган эди.
"Тўғрисини айтсам, у ҳақида ўқиганларим менга ёқмади. Жером мен ва жамоа олдида айбдор. Мен бу ҳақида унинг ўзи билан гаплашдим ва бу менга ёқмаганлигини айтдим."
Ҳозир у жамоа ғалабаси учун ва танқидчиларга муносиб жавоб бериш учун ўзини кўрсатишга тайёр.
Уни ўнг қанотга мўлжаллагандим, аммо машғулотларда Ларс Бендер бу чизиқда яхши кўринмоқда. Охирги фикримни жума куни айтаман" - дейди Лёв.
