Лондоннинг “Арсенал” клуби янги футболчиси Александр Зинченко WhoScored портали талқинига кўра, Англия Премьер-лигасининг 2022/23-йилги мавсум очилиш ўйинида энг яхши футболчи бўлди.
5 август куни Микель Артета шогирдлари “Кристал Пэлас”ни меҳмонда 2:0 ҳисобида мағлуб этишди. Эътиборлиси, биринчи гол Зинченконинг пасидан сўнг киритилди.
У иккала жамоа футболчилари орасида энг юқори рейтингни олди - 8,1. Асистдан ташқари у жамоада энг кўп тўпга тегинишларни амалга оширди (72), дарвозага битта зарба берди, иккита асосий узатмани амалга оширди. 83-дақиқада Зинченко ўрнига Киран Терни тушди.
