“Спорт” телерадиоканали орқали эфирга узатиладиган “Футбол шарҳи” кўрсатувида бу гал “Насаф” ярим ҳимоячиси Жаҳонгир Жиямуродов меҳмон бўлди.

Кўрсатув давомида футболчимиз дастур муаллифи томонидан берилган кўплаб саволларга футболчимиз батафсил жавоб қайтарди. Жумладан, у клубдаги ўзгаришлар, ОФК кубоги ва ОЧЛ ўртасидаги фарқ, миллий терма жамоа ҳақида ва ўзининг келажакдаги орзулари хусусида батафсил тўхталди.

Шунингдек, футболчимиз айни пайтда бутун дунё ишқибозлари нигоҳи қаратилган Европа чемпионати борасида ҳам ўз фикр мулоҳазаларини ўртоқлашди.

— Бу йилги баҳсларда Голландия ва Россия сингари терма жамоалари ўз мухлисларини ишончини оқлай олишмади.  Аксинча Испания ва Германия термалари эса яхши ўйин кўрсатишмоқда. Менимча, Германия терма жамоаси бош соврин учун энг асосий терма жамоа ҳисобланади, — дея ўз фикрларини якунлади Жиямуродов.