"Челси" ярим ҳимоячиси Конор Галлахер Англиянинг 21 ёшгача бўлган терма жамоасига чақирув олди. Бу ҳақда ФА расмий сайтида маълум қилди.
Эслатиб ўтамиз, аввалроқ ярим ҳимоячи бир неча бор “уч шерлар”нинг асосий терма жамоасига чақирилган ва Швейцарияга қарши дебют ўйинида ҳам голли узатмани амалга оширишга муваффақ бўлганди.
Галлахер ўтган мавсумда Гарет Саутгейтнинг эътиборига Лондоннинг "Кристал Пэлас" клубида ижарада асосида ўйнаётганида тушганди. Ярим ҳимоячи Премьер-лигада ўтган мавсумда 8 та гол урди ва 3 та голли узатмани амалга оширди.
Ушбу мавсумда Галлахер икки марта "Челси"нинг асосий таркибида майдонга тушди, аммо ҳозиргача у битта самарали ҳаракат билан ажралиб турмаган.
