Журналист Николо Скиранинг хабар беришича, "Бавария" ҳимоячи Лука Эрнандес билан шартномани узайтириш борасида музокаралар олиб бормоқда.
Франция терма жамоаси ҳимоячисининг мюнхенликлар билан амалдаги шартномаси 2024 йилгача мўлжалланган.
Эслатиб ўтамиз, "Бавария" 2019 йилда ҳимоячини "Атлетико Мадрид"дан 80 миллион евро эвазига харид қилган. Франциялик футболчи ҳамон Мюнхен тарихидаги энг қиммат трансфер бўлиб турибди.
Жорий мавсумда у барча турнирларда 8 та ўйинда майдонга тушиб, 1 та гол урди ва 1 та голли узатмани амалга оширди.
