"Реал" ва "Милан"нинг собиқ футболчиси Кака ЖЧ-2022да Бразилия терма жамоаси ўйинларини ким бошқариши борасидаги ўз фикри билан ўртоқлашди.
"Менимча, бу Неймар бўлади. Қатарда бўлиб ўтадиган Жаҳон чемпионатида терма жамоа етакчиси бўлади. Аммо уни жамоанинг бошқа аъзолари ҳам қўллаб-қувватлаши муҳим. Бразилияда Неймардан ташқари Ришарлисон, Винисиус, Рафиньялар бор. Улар энди умидли ёшлар эмас, улар ҳақиқий терма жамоа аъзоларидир”, - деди Кака Mundo Deportivo билан суҳбатда.
Жаҳон чемпионати 20 ноябрь куни бошланади. Бразилия терма жамоаси мусобақанинг гуруҳ босқичида Камерун, Швейцария ва Сербияга қарши баҳс олиб боради.
