Трент Александр-Арнольд Англия терма жамоасининг Германияга қарши УЕФА Миллатлар лигасининг сўнгги ўйинини ўтказиб юборади.
Sky Sports нашрининг хабарига кўра, бундай қарорга миллий терма жамоа устози Гарет Саутгейт келган. Шунингдек, мутахассис "Брентфорд" ҳужумчиси Айван Тонини рўйхатга киритди. Германияга қарши учрашув Тони учун "уч шерлар" либосидаги дастлабки ўйин бўлиши мумкин. Жаррод Боуэн, Фикайо Томори ва Жеймс Уорд-Прауслар соғлиги сабабли "Уэмбли"даги учрашувни ўтказиб юборишади.
Англия учун турнирнинг бўлажак ўйини муҳим эмас. Саутгейт шогирдлари бирорта ҳам гол ура олмай, муддатидан олдин ўз гуруҳида турнир жадвалининг сўнгги поғонасини эгаллашди.
