"Лейпциг" ярим ҳимоячиси Конрад Лаймер мавсум якунида "Бавария" аъзосига айланиши мумкин, дея хабар берди Sky Germany.
Манбага кўра, футболчи "буқалар" билан янги шартнома имзоламайди. Бундан хабар топган мюнхенликлар Лаймерни эркин агент мақомида жамоага трансфер қилиш борасида ҳаракатини бошлади.
25 ёшли немис жорий мавсум барча турнирларда 6 та ўйинда майдонга тушди. Transfermarkt уни 28 миллион еврога баҳолаган.