"Сўғдиёна" бош мураббийи Улуғбек Бақоев ОФК кубоги ярим финал босқичи доирасида бўлиб ўтадиган "Куала Лумпур Сити" клубига қарши ўйин олдидан ўз фикрлари била ўртоқлашди.

"Кучли рақибга қарши қийин ўйин бўлишини кутяпмиз. Биз бир жамоа ва оила сифатида бирлашганмиз ва финалга чиқишни истаймиз.

"Куала Лумпур Сити"нинг кучли томонларини таҳлил қилдик. Бу жамоа таркибида сифатли ўйинчилар борлигини биламиз. Улар минимал имкониятдан фойдаланишни билишади. Бизннг вазифамиз эса рақибга гол уриш учун имконият бермасликдан иборат. Бунинг учун эса ҳимояда бехато ҳаракат қилишимиз лозим. Яхши ҳимояланган ва хатога йўл қўймаган ҳолда ғалаба қозонишни истаймиз.

Рақибнинг ҳимоядан ҳужумга ўтиши жуда тез. Бу жараёнда улар тўпни деярли йўқотишмайди. Улар эътиборни қарши ҳужумга қаратишади ва имкониятни қўлдан чиқаришмайди. "Моҳан Боган"га қарши ўйинда уларни тўпни кўп назорат қилишмади, аммо тезкор қарши ҳужумга ўтиб, ўз имкониятларидан фойдаланишди ва ғалаба қозонишди. Бу эса "Куала Лумпур Сити"нинг кучли жиҳати ҳисобланади.

"Албатта, ички чемпионатдаги сўнгги натижаларимиз ижобий бўлмаётгани ҳафсаламизни пир қилади. Аммо чемпионатда йўқотилган очколарнинг ўрнини тўлдириш имконияти мавжуд. ОФК кубогида эса бундай имконият бўлмайди. Эртага мухлисларимизни хурсанд қиламиз, деган умиддаман", — деди Бақоев.