"Барселона" бош мураббийи Хави терма жамоалар ўйинларини битта халқаро паузада ўтказишни таклиф қилди.
Каталония клубининг тўрт нафар футболчиси - Жюль Кунде, Рональд Араухо, Френки де Йонг ва Мемфис Депай ўз терма жамоалари сафида олган жароҳатлари туфайли жамоанинг касалхонасига ётқизилган эди.
“Миллий терма жамоалардаги жароҳатлар туфайли футболчиларни йўқотишнинг олдини қандай олиш мумкин? Бу қийин. ФИФАнинг ҳар икки йилда бир марта Жаҳон чемпионати ўтказиш режаси бор ва бу баҳсли масала.
Аммо тақвимнинг шундай варианти ҳам борки, унда терма жамоалар йиғилиб, бир ярим ой ўйнайди. Шундан сўнг клублар футболчиларни мавсум охиригача қайтариб олади.
Ишонаманки, бу яхши қарор бўларди, лекин бу менга боғлиқ эмас", - деди Хави ESPN билан суҳбатда.
