"Barselona" bosh murabbiyi Xavi terma jamoalar o‘yinlarini bitta xalqaro pauzada o‘tkazishni taklif qildi.
Kataloniya klubining to‘rt nafar futbolchisi - Jyul Kunde, Ronald Arauxo, Frenki de Yong va Memfis Depay o‘z terma jamoalari safida olgan jarohatlari tufayli jamoaning kasalxonasiga yotqizilgan edi.
“Milliy terma jamoalardagi jarohatlar tufayli futbolchilarni yo‘qotishning oldini qanday olish mumkin? Bu qiyin. FIFAning har ikki yilda bir marta Jahon chempionati o‘tkazish rejasi bor va bu bahsli masala.
Ammo taqvimning shunday varianti ham borki, unda terma jamoalar yig‘ilib, bir yarim oy o‘ynaydi. Shundan so‘ng klublar futbolchilarni mavsum oxirigacha qaytarib oladi.
Ishonamanki, bu yaxshi qaror bo‘lardi, lekin bu menga bog‘liq emas", - dedi Xavi ESPN bilan suhbatda.
