Римнинг "Лацио" клуби етакчиси Сергей Милинкович-Савич яқин вақт ичида клубини ўзгартириши мумкин, деб хабар бермоқда Todofichajes нашри.
27 ёшли сербиялик ярим ҳимоячига Европанинг икки топ-клуби қизиқиш билдирмоқда. Гап Лондоннинг “Арсенал” ва “ПСЖ” жамоалари ҳақида кетмоқда.
Олдинроқ "Лацио" президенти Клаудио Лотито ярим ҳимоячининг трансфер нархи 120 миллион еврога баҳоланаётганини айтганди. Милинкович-Савичнинг "бургутлар" билан тузилган шартномаси 2024 йилнинг ўрталарига қадар амал қилади.
2022/2023 йилги мавсумда Сергей "Лацио" таркибида 12 та ўйин ўтказиб, 4 та гол урди ва 7 та голли узатмани амалга оширди.
