"Манчестер Юнайтед" янги ҳужумчи сотиб олишни яқин келажакдаги устувор вазифа деб ҳисобламоқда.
Криштиану Роналдунинг шартномаси 2023 йилнинг ёзига қадар мўлжалланган ва 37 ёшли футболчи жамоани тарк этмоқчи. Шу муносабат билан манкунианликлар таркибни кучайтириш бўйича мавжуд вариантларни ўрганишмоқда.
The Telegraph хабарига кўра, "Манчестер Юнайтед" ўтган ёзда "Зальцбург"дан "Лейпциг" томонидан 24 миллион еврога сотиб олинган, бироқ Австрия клубида ўйнашда давом этаётган ҳужумчи Бенжамин Шешкога қизиқиш билдирмоқда.
19 ёшли футболчини сотиб олиш учун "Манчестер Юнайтед" 40 миллион фунт стерлингдан кўпроқ пул тўлаши керак.
Жорий мавсумда Шешко Австрия чемпионатининг 14та учрашувида 4та гол урди.
