Goal.com нашри Қатарда бошланадиган жаҳон чемпионати арафасида 2023 йилги «Олтин тўп» совринига даъвогар футболчилар рейтингини эълон қилди. Келаси йилги ғолибни аниқлашда бу галги Мундиал катта ўрин тутади.

Рейтингнинг энг юқори поғоналарини "Пари Сен-Жермен" клубининг уч ҳужумчиси — Месси, Неймар ва Мбаппе эгаллаб туришибди. Тўртинчи поғонага эса "Манчестер Сити" форварди Эрлинг Холанд жойлаштирилди.

"Барселона" ҳужумчиси Роберт Левандовски кучли бешликка кирган бўлса, "Реал" ҳужумчиси Винисиус Жуниор олтинчи ўринни банд этган.

2022 йилги "Олтин тўп" соҳиби Карим Бензема ҳозирча 12-ўринни эгаллаб турибди.

"Олтин тўп" - 2023 даъвогарлари рейтинги (топ-20):

1. Лионель Месси – «ПСЖ»;
2. Неймар – «ПСЖ»;
3. Килиан Мбаппе – «ПСЖ»;
4. Эрлинг Холанд – «Манчестер Сити»;
5. Роберт Левандовски – «Барселона»;
6. Винисиус Жуниор – «Реал Мадрид»;
7. Кевин де Брюйне – «Манчестер Сити»;
8. Жамал Мусиала – «Бавария»;
9. Муҳаммад Салоҳ – «Ливерпуль»;
10. Хвича Кварацхелия – «Наполи».
11. Харри Кейн  – «Тоттенхэм»
12. Карим Бензема – «Реал»
13. Фил Фоден – «Манчестер Сити»
14. Рафаэль Леау  – «Милан»
15. Коди Гакпо  – «ПСВ»
16. Жуд Беллингем – «Боруссия Д.»
17. Лерой Сане  – «Бавария»
18. Виллиам Салиба  – «Арсенал»
19. Федерико Вальверде  – «Реал»
20. Кристофер Нкунки  – «Лейпциг»