“Манчестер Юнайтед” ярим ҳимоячиси Алехандро Гарначо ноябрь ойида клубнинг энг яхши футболчиси деб топилди, дея хабар беради жамоа матбуот хизмати.

18 ёшли аргентиналик футболчи жорий ойда “Манчестер Юнайтед” сафида барча турнирлар доирасида 4 та ўйинда майдонга тушиб, 2 та гол урди ва 2 та голли узатмани амалга оширди.

Дарвозабон Давид Де Хеа ва ярим ҳимоячи Каземиро ҳам энг яхши совринга даъвогарлик қилишди.

АПЛнинг 14-туридан кейин “Манчестер Юнайтед” турнир жадвалида бешинчи ўринда бормоқда.