“Manchester Yunayted” yarim himoyachisi Alexandro Garnacho noyabr oyida klubning eng yaxshi futbolchisi deb topildi, deya xabar beradi jamoa matbuot xizmati.
18 yoshli argentinalik futbolchi joriy oyda “Manchester Yunayted” safida barcha turnirlar doirasida 4 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
Darvozabon David De Xea va yarim himoyachi Kazemiro ham eng yaxshi sovringa da’vogarlik qilishdi.
APLning 14-turidan keyin “Manchester Yunayted” turnir jadvalida beshinchi o‘rinda bormoqda.