Хорватиялик ярим ҳимоячи Марсело Брозович жароҳатидан тўлиқ фориғ бўлганини ва Қатарда бўлиб ўтадиган ЖЧ-2022да ўйнашга тайёрлигини айтди.
"Мен ўзимни яхши ҳис қиляпман. Мен сўнгги бир неча ҳафта давомида машқ қилдим, ҳар бирида 15-20 дақиқадан учта ўйин ўтказдим ва охиргисида ярим соат ҳаракат қилдим.
Мақсадимиз гуруҳдан чиқиш, кейин кўрамиз. Ҳар бир ўйинда бор кучимизни сарф қилсак, ҳеч қандай муаммо бўлмайди. Ўйлайманки, кўпчилик бизни ҳурмат қилади, чунки одамлар биз ҳаммамиз соғлом ва бирга бўлсак, бизни тўхтатиш қийинлигини кўришди. Биз ўтган сафаргидан яхшироқ ўйнашни истаймиз", - деди Брозович.
Эслатиб ўтамиз, Брозович терма жамоада Миллатлар лигасида ўйнаб юрган вақтида жароҳат олган эди.
