Испания терма жамоаси ярим ҳимоячиси Серхио Бускетс 2022 йилда Қатарда бўлиб ўтадиган жаҳон чемпионати унинг учун охирги бўлиши мумкинлигини айтди.
"Мен ушбу турнирни интиқлик билан кутяпман. Мураббий биздан нимани хоҳлашини ҳаммамиз биламиз, бизни мағлуб этиш жуда қийин. Мен 4 йилдан кейин яна ўйнашимдан кўра, бу жаҳон чемпионати охиргиси бўлишига кўпроқ ишонаман", - деди Бускетс AS билан суҳбатда.
Бускетс Испания терма жамоасида 2009 йилдан буён ўйнаб келмоқда.
У Испания терма жамоаси билан 2010 йилги жаҳон чемпионати ва 2012 йилги Европа чемпионатларида ғолиб чиққан.
