ЖЧ-2022нинг ягона дебютанти Қатар ўз уйидаги турнирни кетма-кет учинчи - Нидерландиядан мағлубият (0:2) билан якунлади.
Яқин Шарқ терма жамоаси бошқа омадсиз дебютантлар – Словения, Хитой, Того ва Панаманинг натижасини такрорлаб, битта ҳам очко ололмади. Шу билан бирга, урилган ва ўтказиб юборилган тўплар фарқи бўйича қатарликлар 20 йил аввал тўққизта гол ўтказиб юборган ва бир марта ҳам гол ура олмаган Хитойдан яхшироқ натижа қайд этишди.
Янги асрдаги жаҳон чемпионатларида энг яхши дебютни кучли саккизликка киришга муваффақ бўлган Сенегал-2002 ва Украина-2006 терма жамоалари кўрсатишган.
