Аргентина терма жамоаси ҳужумчиси Лионель Месси бугун профессионал фаолиятидаги 1000-учрашувини ўтказади.

Тошкент вақти билан соат 00:00да Аргентина ва Австралия терма жамоалари ўртасидаги Жаҳон чемпионати 1/8 финал учрашуви бошланади ва аргентиналиклар мураббийи Лионель Скалони Мессини илк дақиқалардан майдонга тушадиган футболчилар қаторига киритди.

Opta портали хабарига кўра, бугун 35 ёшли ҳужумчи катта юбилейни нишонлайди - у клублар ва терма жамоа учун 1000-ўйин маррасига етади. Унинг ҳисобида 788 та гол ва 338 та голли узатма бор.

Қатарда Месси икки марта рақиблар дарвозасига гол киритди ва бир марта жамоадошларига голли узатма берди.