Бразилиялик афсонавий ҳужумчи Пеле ўз Instagram саҳифаси орқали аҳволи ҳақида маълумот берди.
"Дўстларим, мен сизларни хотиржам ва позитив бўлишингизни хоҳлайман. Мен кучлиман, кўплаб умидларим бор ва доимгидек муолажа оляпман. Менга кўрсатилган ғамхўрлик учун барча шифокорлар ва ҳамшираларга миннатдорчилик билдираман.
Тангрига ишончим кўп ва мен дунё бўйлаб энергияга тўла юборилаётган меҳрли мактубларни олмоқдаман. Ва Бразилияни Жаҳон Чемпионатидаги ўйинларини ҳам томоша қиляпман.
Ҳаммаси учун жуда кўп миннатдораман", - деб ёзди Пеле.
Аввалроқ саратонга қарши курашаётган афсонавий футболчининг танаси кимётерапияларни қабул қилмай қўйгани хабар қилинганди.
